2021年18種魚類釣穫! Video
文章
今日死流去解毒 20211223
今日死流去解毒,流水應真麻麻,釣左3粒鐘我先中2條瓜衫,R小姐就得一條瓜衫,幾條梳蘿,我同佢全部放晒.之後臨走前R中多一條大過手掌的絲立!條立跟手畀左D陀地阿伯了,阿伯不知幾開心,聽佢講他由今朝9點釣到下午4點半,魚毛都冇一條,見我地畀條魚佢,佢多謝都來唔切,與阿伯相比,我地都算有D成績吧!知足常樂,走人去食晚飯了!
牙或開晒口, 釣到唔停手! 20211213
自從上幾次釣況很差之後,成兩三個月沒有去老地方解毒了,心血來潮今日同R小姐去玩下打沉底!果然真係有驚喜,去到開釣不夠十分鐘,就來一口"牙或",牠初時扮魚仔試餌,試完一輪咬住口餌慢慢吞,非常陰濕,到我抽起支竿佢先發爛,雖然得廿零cm,但拉力十足,十分好玩,之後係咁中魚, D"牙或"完全開晒口,我同R小姐都非常滿意釣況,今次是首次在老地方釣到"牙或",以前都未中過,亦都係我同R小姐在2021年裡的新郵票吧!年尾結算又多一款魚種了!
柴灣貨倉解毒20211210
今日去新地方解毒,玩打沉底摸索地形,發覺勁多石口,勾石勾爆,下次用浮波應該中到多D魚!今次影得一條魚相,其他唔記得影,因為釣位超大風,顧唔得咁多野,下次收細左風先再影多幾張相吧!
今日去左深井打沉底! 20211208
今日去左深井打沉底,乜野入石魚仔都畀我釣晒上來,但就硬係冇斑!不知道時機未到定還是我唔好彩?!而R小姐就直情龜左,其實這裡一直是釣魚勝地,所以先來玩下,但這裡的防波堤比較直,對R小姐來說地形較為凶險,釣魚時我也要時常看住她,就算是麻甩佬如果mou低起身見頭暈亦都十分危險!所以下次再來既機會不大!
香港釣魚人的文化! 20211128
4年前我的FB專頁在短時間內有高速增長,達到3000人like!當時認為like數是很重要的,但後來認知到like左可以不看的,要有追蹤的人才有機會看到自己的FB專頁.於是再也不去強求別人like專頁, 轉了邀請釣友追蹤專頁便足夠了!4年後今日,我的"釣魚人亞洲"FB專頁追蹤人數達至6000人以上了!發覺多了許多亞洲區的釣友支持.這是十分開心.亦都衝出左局限於香港釣魚圈的界線.給其他國家的釣友了解我地香港釣魚人對釣魚的熱誠與他們有否不同吧!希望以後把自己的FB專頁 - https://www.facebook.com/anglerasiacom 及Youtube Channel - https://www.youtube.com/ANGLERASIA/ 做好,吸引更多不同國家的釣魚人了解我們香港釣魚人的文化吧!
2本最Like的魚料理書! 20211127
經我研究自己收藏多本魚料理的書籍後,選出2本最Like的2強魚料理書,一本是中式,另一本是日式,兩本書都能詳細講解切割魚的過程,而每道料理都會說出用甚麼魚去做,不是求其指出魚肉一舊便算了吧!亦有說明每種魚的部位如何食法,製作過程有詳細說明,並非不負責任地說幾句就當讀者明白的態度去敷衍你.最重要是2本書都貼地用了本港常見能買到或釣到的魚種去做料理教學吧!
2022年DAIWA魚拓月曆 20211125
今日收到日本寄來既2022年DAIWA魚拓月曆,封面和一月是一對我最like的赤立,其他當然有黑鯛和黑毛啦,但今次月曆中淡水魚多了些,不過都很靚仔! 彩色的魚拓真的比黑白悅目很多吧!
中環大館測試SONY ZV-E10 無反相機 20211117
今日同R小姐去"大館"試我部SONY新相機ZV-E10 ,帶了2支 18-105mm F4 G Lens 及 10-18mm F4 Lens. 有靚鏡support部新機, 出來的效果也不錯吧! 至於拍片,今日都測試了3條片, 畫質及音質都幾好, 不過新機操作還未熟習,所以遲下拍攝出來的效果應該會更好吧!
HIROMI 出品的浮子 20211113
今晩找來兩粒廿多年前的浮子給大家看看，睇吓你哋有冇印像吧。呢隻由HIROMI 出品的浮子最大特式是可以ZOOM的，細嘅由B Zoom 到0.8，大嘅就由5B Zoom 到1.5，真係在一般環境下可以玩晒，只不過設計概念就好喇，但實際用落就不太理想，由於浮子是以冲氣方式令浮力加大，頭頂部分會不斷增高，空氣盡在頂部，令浮子在水裡平衡不定，而且Zoom波時以㫌轉方式選擇號數，浮力準確度欠佳，令釣魚人加夾鉛時多了一重難度。所以此兩粒浮子從前到現在都只是作收藏之用吧！
