18年前獨牛洲歷險記 20020929

今日留在家中沒出街，坐在電腦前整理吓我咁多年來拍的照片，見到其中1張照片立即想起當時的刺激景象。18年前在獨牛洲中魚拍照，亦把大陸的走私快艇入埋鏡，可想而知當時大陸與香港的走私問題幾咁倡狂。嗰次都幾驚險吓，有班走私天文台上咗我哋嗰度睇水，期間在我背後望住我釣魚，我心諗條友會唔會身上有鎗，真係好大壓力，之後他們突然走晒上山頂大大聲講對講機，原來大陸有個反走私部隊帶晒機鎗來捉人，山上的天文台不停大聲報告反走私部隊的位置，然之後我又聽到鎗聲啪啪，真係啲子彈唔好亂飛呀! 現場情況非常混亂，搞咗十幾分鐘，部隊追住啲走私快艇返回去大陸方向，跟住啲天文台亦乘機坐艇走人！嗰次真係歷險記!!