16年前在將軍澳攝影

看過我的自我介紹的釣友，應該都知我除了釣魚之外，亦喜歡攝影，這興趣雖然不及釣魚耐，但拿第一部相機都已經是初中的事了。言歸正傳，這張相是在16年前在將軍澳釣魚時影的，是用我的Leica菲林自動機拍的，我以前亦買了一部700萬象素的Minolta Frame Scanner，正好把我的菲林全部Scan一次，但這個動作簡直是惡夢，因為Scanner是第一、二代，速度慢，而且軟件冇乜功能，Scan底片只用了硬件輸出，一㸃光暗、色温都唔識同你造，更加唔使話可以同你解決底片刮花修補的可能，只係做清潔底片，scan、光暗、色温就要至少15-20分鐘1張，你話邊有咁多時間和精力去搞後期修補吖？快快脆scan咗save了便算吧。直到多年後嘅現在，呢張相是見自己幾鍾意，所以先俾啲時間用Photoshop搞吓啲刮花修補及光暗色温，大家覺得仍然有菲林味道嗎？