DAWAI REGAL LT3000D-C 20190602

話說前晚同R去釣通頂，我哋主力打沉底搏大野，我玩兩支竿都係用DAIWA LBD絞，諗住用得多會得心應手D，而R就玩一個DAIWA LBD、一個DAIWA REGAL磅頂絞，不過有次R放低支竿行開咗後中了魚，我就幫她收絲，但一攪之下，感覺全冇阻力，以為走魚，到條魚走水支竿被拉才知未走，當時我才知係個絞太順之故，感覺一流，比起我用的LBD絞還順一兩倍，其實R隻絞我都有一個細model，但我是用來筏釣，釣法唔同，而上次又中唔到大魚，未感受到個絞嘅威力，今次打沉底搏魚，真正感受到個絞的優勢，非常正，於是昨天再去佐敦世界買多隻3000絞，佢嘅釣力很好，最大有10kg，而且還有10個Bearing在絞中，兼且佢注明LT，即超輕量化，重量只有215g，重有其他功能看相就見到，最重要價錢少過五舊，佢有呢個好價是因為DAIWA 同Model有新一代出，所以舊一代平賣益街坊，但舊款我也全不介意，因為實在太正吧！