SEIKO機械自動潛水錶20190324

我隻舊SEIKO機械自動錶由於冇保用証，所以冇保養維修！今日走咗去深水埗老錶舖華生錶行買返隻錶，佢哋專賣SEIKO行貨，而且價錢比正價平好多，好過嗰間死人乜乜CHAIN，就係上次賣錶畀我話冇保用証，佢話連同隻錶帶張單畀佢就可以整，多年後結果梗係唔得啦，最衰格係個售貨員連張單都冇打公司印同簽名，真仆街！
今次去華生錶行完全兩回事，又抵又專業，我揀咗隻機械自動潛水錶，老闆只收正價七五折，比我預算還平很多，試上手時老闆話我知，原來呢隻錶係SEIKO同全球最大專業潛水教練協會PADI合作搞的紀念特別版，所以老錶舖係有辦法。