hea釣中絲鱲20181104

今日同R與表弟hea釣一個上午，9點到達釣㸃已見到有師兄釣緊，好彩今次不是很多人釣，總算找到位分給3個人釣，玩咗1粒鐘，在沒有魚訊下被瘋狂化餌，之後終於上到條泥鯭，先知原來係呢班契弟玩野化晒我D餌，跟住再釣終於感受到魚訊，但食得好輕口，啄兩三吓便停咗，再等成分鐘先再啄幾吓，如是者玩咗幾分鐘，最後先稍為拉吓竿頭，呢個時候唔再畀面佢了，用力抽竿，中了！條魚拉力唔錯，玩咗一陣便起佢上來，原來是條絲鱲，唔錯。不久R也中多一條，而表弟就龜咗，之後化晒魚餌，時間接近下午一㸃，hea釣完畢，收野去食飯了。