破了自己的沙鑽記錄！20181018

今次落雨絲濕去解毒，拿拿淋攞番件Gore-tex來頂住，呢次都有D魚仔玩吓，但最頂癮就是其中一條食埋來啄幾吓又停咗，不過我都知佢古惑，我就把條蟲拉郁半尺，像受到攻擊而逃走似的，果然佢忍不住立即大啖食埋來，我見時機成熟，立刻抽竿，嘩！此時佢立即發癲，衝力之勁把我支Daiwa小繼萬能磯2-390拉到彎晒弓，連磅頂都出埋絲，我心諗咩料呀？頂咗幾吓出絲，條魚開始冇力，於是一抽一收絞佢上來，上水一看，原來是條24cm大沙鑽，破埋我自己嘅沙鑽記錄，真係飲得杯落了！