Shimano 17L背囊20180120
見到佐敦漁家有隻Shimano 17L背囊幾好款，是上年2017年出的Model，原價4900日元，現在見到HK$290，比起對換價都平咗D，還有度好是內胆是防水隔温的，功能上又多了兩種好處，所以我都入番個。
鱲魚爆釣到要放生！
某年某月某釣㸃，我同表弟與一位新手老友去磯釣，由於我荼毒老友時間不長，我到場後都不能開竿住，要不斷教授老友磯釣知識，由開竿開誘餌，到生態及大自然認識，都希望他初步能了解清楚。至於表弟當然同我講關人屁事，第一時間釣魚至緊要，初時還沒有魚訊，過了粒幾鐘後起流，D魚就開囗，但很不幸，表弟鑊鑊中親魚都過石斷絲，我同佢講，鬼咩~淨係掛住釣又唔度水，㸃可以咁架！那時我剛開好竿，我就照常周圍度水，度好晒水後就發現對出竿半水有個水底暗礁喺度**，打幾匙羹誘餌再飛口餌落水，立即中魚過石，原來D魚朵晒在我正前方暗礁背面，所以一中再拉就過石，我同我表弟講，D誘餌唔好再打這處，我哋集中火力跟住D流打過左邊十零尺，令D魚離開暗礁追過來食吧。不久果然見效，中條黑沙鱲冇走雞，之後不停係咁起魚，看見對出有艇家在呔魚但呔唔到，望住我哋不停起魚，非常無耐，之後直情冇眼睇，開船走人！其實佢哋唔走我就有魚益佢，但既然走咗，我哋又食唔得咁多，就放生一半魚穫落海，叫做取放有道吧！ **度水的方法(我會以自己作中心㸃，用一個紙扇狀的形式用魚竿吊放鉛粒向出試底，當你由近至遠度水時，理應愈度愈深的，但如果明明近位20尺，而再出竟然得番十幾尺，那便要小心了，一定要再試出D，如果試到突然又深番，那通常都是海底有礁石吧！但如果一路變化不大，這只是海底有不平均的高低了，而並非有礁石。)
留言
發佈留言