亞洲釣魚人 | Asia Angler

見到佐敦漁家有隻Shimano 17L背囊幾好款，是上年2017年出的Model，原價4900日元，現在見到HK$290，比起對換價都平咗D，還有度好是內胆是防水隔温的，功能上又多了兩種好處，所以我都入番個。

R小姐毒癮大發，話要請假解毒，梗係要我陪佢啦，一去到望吓個海，六七隻艇偷雞在禁區網魚，頂你個肺，D水警死晒去邊度呀！開釣半粒鐘已知死得，一D魚訊也沒有，收鈎返來整隻鈎柄全滿淤泥，絞中魚絲也難幸免，真係如有人中大魚我拜佢做偶像，最後R中了一條魚毛便走人去食tea算了！

今日3個人去釣番兩手，是日農曆廿八，但未算大生流，全日只有剛去到頭1粒鐘有流，把握時機釣到幾口魚，之後流水唔郁，就連一口魚訊也沒有，玩到3㸃便出返市區食個tea算了吧！

今日2018年首日，同上年一樣與R小姐去釣魚開年，今次R帶咗我早兩年送給她的Advance ISO磯竿去釣，由於以往她說用呢支竿冇乜成績，今年要用來開年旺一旺佢，終於今次有成績了，成為2018年開運竿了！而我沒有帶支摯愛竿來開運，但叫做有D魚仔玩吓咁啦！