釣到條巨連米20171028

重陽節去釣魚，用了R小姐一支冇號數360小磯竿，1.25號子線，青蟲打沉底，很高興釣到條巨連米，由於冇帶撈箕只好硬抽上水，成支竿仔彎到不似魚竿，解鈎後條魚狂彈甩手，成條魚在大石上向海飛去，我為咗捉返佢搞到仆街雙腳跪在石上一手撳住條魚，咁都總算捉得返，但我膝頭就爆了缸，咁樣捉返條魚我唔煎咗佢來食就奇呀，好彩煎好條魚食落口確係零捨不同，鮮味無比而且更帶有一點蟹肉味，真係好食到爆！