R小姐同大魚博鬥20170702

R小姐落order要我陪佢連釣兩日魚，今日時晴時雨，要等到下午兩三點先釣得，但今日我嘅釣魚心情只是一般，沒諗住造世界，反而R興致勃勃，一去到就立即開竿作戰，見她釣到兩條魚仔，我才hea住開竿，突然聽到R尖叫，望一望，支竿彎咗一半，但覺得她搞得掂，我就平常心去看看佢吧，但說時遲那時快，條魚開始爆發，看見R揸住支竿成個人向下踪，成支竿指晒落海，就來揸唔住支竿，我第一時間發現R個磅頂鎖死咗，立即衝去同佢鬆磅頂，但最後都來遲一步，條絲監生拉斷了，之後R綁勾時連手都震埋，你都咪話唔激動，我就同佢講，雖然上唔到條魚，但你都升咗班，有同大魚博鬥經驗，第日再中魚就識點做啦！經過呢一次之後，她的中毒程度又加深了！