尋找毛毛的故事20011111

今日3個人去磯釣尋找黑毛，我帶咗個新手朋友去學玩，而表弟也是好不了幾多，只是能夠自己set釣組吧，其實我去到都不知幾想立即作釣，但又要教導朋友磯釣知識，那種望住個海自己冇得釣的感受真的難以形容。之後終於到我開竿了，快快脆set好釣組開埋粉就釣啦！但釣咗粒幾鐘仍冇料到，表弟同朋友還比我釣先也未有料到，於是我走咗去一個又斜又高的難企位試釣，玩咗15分鐘，發緊夢之際，突然飛波拉竿，嘩！咩料呀？立即抽起支竿硬頂啦，我用咗1.5號5層結構嘅子線，但水底有暗礁，而條魚不停衝入礁底，唯有冒着斷絲都要硬頂，但更糟的事發生了，我望見竿頭第4個"街"竟然穿漏絲，梗係之前心急開竿出事，搞到我不敢舉高之竿升魚，形勢非常不妙，只好打橫支竿去頂魚，裙拉褲甩之下條魚終於入咗網，收上來看看，原來是條38cm的開旗白毛，解勾時看見子線已經磨到花晒，粗度得返一半，真係好險！最後雖然釣唔到黑毛，但白毛都係毛吧，叫做感受到中毛的搏鬥感覺啦。