亞洲釣魚人 | Asia Angler

今日2人去解毒, 明顯冇早2日咁好魚, 隔離打粉都只中幾條立仔! 不過釣魚就係咁, 正所謂花無百日紅, 魚都唔會日日旺!

今日5人去解毒, 都有D魚仔玩下, 隔離有班師兄打粉, 引走晒D魚, 我地青蟲打沉底的情況下, 只有無奈吧, 唯有下次再玩過啦!

今日冬至同R小姐去解毒, 由於水口凍, 魚訊麻麻, 但都叫做有D魚仔玩下, 玩到太陽下山開始起風, 感覺有D冷, 於是走人去食Tea了!

天文台話明天變冷又下雨, 今天中午趕尾埸釣陣魚仔先! 海面幾尺吹住冷風, 上空反而冇乜風, 企在岸上有D冷. 好彩都有幾條手板瓜衫同D雜魚玩下, 3點半鐘開始下雨, 而且越來越密, 臨執野前畀我中返條腳板絲立, 開心走人去食Tea了!

今晚化埋上次去漁排D魚餌,玩左2粒零鐘, 只有蟹仔及老坑! 今次志在化餌玩下,沒甚麼期望, 所以沒有失望吧!

今日去完化餌, 都釣到幾條魚仔! 應該都出到D影片畀大家望兩野!但製片用免費software就真係辛苦了自己, 鬼叫自己孤寒, 頂硬上啦!

今日3人去解毒, 全日魚訊不多, 大概係我地用的釣組及魚餌不合用吧! 附近有人用賤人仕掛及南極蝦,中到多條絲立及馬友! 我地只中少量瓜衫和沙鑽! 經一事長一智,下次我地識點玩了!

今日去新位Hea釣, 水流好快,石口又多, 流水不停推釣組入石, 斷左很多勾及鉛! 其後轉位水流慢D, 我同R每人只中一條,好過打龜少少, 到中午帶來的3兩蟲玩晒, 執野走人去食野了!

上次我威,今次我就龜! R小姐中沙孟,沙鑽及花蟹! 今日流水不旺, 魚訊欠佳, 唯有下次努力啦!

今日同R小姐去新秘位解毒, 早幾輪我龜氣纏身,今次終於輪到我開魚運了, 咩魚都中D, 還有連中4條接近腳板Size既絲立! 非常好玩! 而R小姐中到新郵票, 就是超過一斤重的硬殼雞泡魚, 正確名稱我也不知道! 如各位師兄師姐知道的話請留言告之! 最後多謝R小姐整左個粟米雞絲羹給我享用, 感謝晒!

今朝3人去解毒, 一早便下雨, 好彩去到釣點停雨, 晏左之後更有藍天白雲. 今次都有D魚仔玩下, 魚穫太細全部放生, 之後去食Tea, Hea下便回家了!

今日心血來潮同R小姐去海旁釣魚仔, D姐姐群組人多到爆, 噪音指數爆錶! 真係有D後悔來這裡, 成個下午流水不旺, 只有小魚化餌, 玩到7點零執野食個飯算了!

今日朝早及下午連釣2場魚, 人人有魚中, 都叫做有得玩下! 當中R小姐又中腳板雞籠倉! 今次已是第3條了! 真係令人羨慕! 但她的目標已轉到大型細鱗了, 我就祝佢巨物連發啦!