亞洲釣魚人 | Asia Angler

  我訂的新model 嘅LOGOS冰種返咗來了，佢嘅耐凍時間比上隻model更耐，結冰時間快1倍不用24小時，隔日釣魚都有得用，我呢隻M size冰種特登買來用在DAIWA 8L 真空冰箱的，放冰大小剛剛好，這真空冰箱是我日常玩快速步兵用得最多吧。

  由於我有公事在身，陪唔到R解毒，今次由我家姐同R兩個女釣手出馬，二人都有收穫，R更加有條新紀錄魚，恭喜！

  今朝釣早水，原本好好天，但上天總是要給我們考驗，下了一場大雨，看看 我們 還有没有決心釣魚，我哋當然pass咗啦，之後立即出猛太陽兼藍天白雲！但釣到中午流水已過冇晒魚訊，走人去食飯了。

  今日4人去解毒，R中到新郵票，表弟同家姐狂中連咪，我就綁了地雷搏大野，但竟被巨物把整副架撐監生搶走没收，飲恨當場！我話過下次一定上衡架撐再報仇。

  上星期拿了一本DAIWA秋冬釣魚服裝catalog，發覺今年多了時裝便服及野外露營服飾。其實咁都唔錯，現今釣魚人通常已將釣魚服飾在日常穿着，我自己都是其中一份子吧！

在香港釣黑毛(冧蚌)除了出外礁，在港內真係冇幾多度有機會釣到！但鱲魚就唔同，我哋比日本都唔輸蝕！但講到拍釣魚片，我個人都喜愛看日本拍的片，尤其磯釣鱲魚，真係超愛看，有時也可從中學習到人哋D長處。而呢套由松田稔拍的釣鱲魚片，分了幾個題目給觀眾學習日本名人的釣法，有時也有一招半式用得着吧！

  一早打水戰，之後好天，D魚唔算精口，走人時都有十零條煲湯。

 

  今日去佐敦想找個撐竿器，期間見到支DAIWA單頭丫义撐竿器，但覺得用途單一，轉頭諗諗先，之後在第二度見到個DAIWA加强版的雙臂丫义撐竿器，正是我想要的功能，於是最後一個畀我掃埋，回家安裝後又幾正喎。掂晒！