焗住桑拿釣夜魚20200831
今晚一滴風都冇，焗住桑拿釣夜魚，唔只魚不開口，我自己都熱到冇胃口，打龜收場！
文章
第一槍就中條鱲魚！20200828
5個月冇來這裡釣魚，今日上午死流兼水退，諗住走來Hea釣魚仔，點知開竿第一槍就中條鱲魚！開心都來唔切。可是今日流水太差，全程魚仔都唔多條，走人時都你得嗰條，但今日咁嘅釣況，有條鱲已很滿足了！
我部action cam問題解決晒！20200821
今日咩都釣唔到，只係試到部 action cam 拍嗰4個鐘頭影片全部過到晒返落電腦度，即係我部cam問題解決晒，以後可以多D拍片都唔怕壞file，講真呢部香港品牌嘅action cam個性價比超高，我真的不想佢有bug，現在冇事安樂晒了！
解決了action cam過file出error問題！20200820
經過多番拍片研究，為何我部action cam 久不久拍完片回家過file便出error呢？現在初步有點頭緒了。發現拍攝過程之尾段，當熄power收野嘅時候，我是沒按power掣，而是把電源線直接拔走，令到系統出現異常，要recover原廠設定！原理像熄PC MS Windows一樣，直接熄電源便整壞了Windows系統吧！最近2次拍片用power掣熄機後才拔走電源，回家過file又好似冇乜事喎！明天試埋第3次測試，如OK就當解決了問題吧！
明天去偷釣幾粒鐘黃昏水 20200810
足足1個月冇釣魚解毒，R扁晒嘴話想去釣魚，我都知成個月冇解毒係好辛苦！見疫情好了DD，就小心一點同R明天去偷釣幾粒鐘黃昏水吧。買了廿蚊池仔搏佢一舖大野啦，剛好家姐畀咗塊膠砧板我，而且非常輕巧，正好拿去切魚。希望上天給我一口魚吧！🙏
用手動HDR試拍
用咗超過5年嘅Sony HX90V仍然運作正常，但平時用HDR都用AUTO，未真正測試過佢嘅極限，今次正式以手動把HDR調至最高差距的6EV，看看成像係點！試過之後，發覺手動比AUTO正好多，背光反差正常很多，前景死黑和背景死白冇晒，還原肉眼看的景像。証明出街拍照多點用手動効果會更好！
Leica菲林自動相機
近排看了個有名的攝影導師嘅youtube，他拿了D菲林相機出來給懷舊拍友解說一番，雖然我多年前的單反菲林相機已賣晒了，但我其實仍珍藏住一部廿幾年前的Leica菲林自動相機留念，呢部"老拉"拍出來的畫質是我用過咁多菲林自動相機最好的！而且是最com的一部，直到現在仍然運作正常，所以我得閒都拿來開動吓玩吓，令部相機保持狀態吧！