亞洲釣魚人 | Asia Angler

昨天去解毒，但遇上一海浮游藻類，令釣況麻麻，不過好彩經努力下都唔使龜！

今日同R釣生日魚賀她生日，全日魚訊不多，但壽星女果然有運行，機會一來立即給R中條她的銀咪紀錄魚，足足有27cm，重破埋我數年前25cm嘅紀錄添，今次紀錄魚令她過足手癮！乜毒都解了。至於我就不值一提了，近排老虎纏身，去到邊都只中老虎！真係痛苦。好彩R整了個花膠雲腿冬菇雞絲湯飯給我做午餐補番數，成個人精神返晒！

今日3人去解毒，2個幾月冇來釣，試吓咩環境，今次大流冇乜料到，但老虎勁多，單係我個人就中了5、6條！最後除了老虎都總算每人也中到D目標魚。今日我特別穿了R送畀我的DAIWA紀念版嘅銀狼White Monster Cap帽及防曬衫，梗係要拍照留念啦！

今日偷釣冇乜料到，但鑊鑊都畀隻蟹我釣到，釣到12點零石湖殺到，快快走人去食個飯吧！

去釣魚戴過無數咁多款釣魚Cap帽，它們的原裝失手夾仔繩總是没進步，只要你的衣服布料薄一點，那便出事了，夾仔完全夾不實，大風一吹就會chok甩夾仔，帽子便飛走了！所以我從不信釣魚帽的原裝失手夾繩，經過我的找尋，發現Aeon十二蚊店有款失手帽子夾繩相當穩固，勁薄的衣服也夾得好實，帽子吹至脫落也冇chok甩夾仔，非常好用，現在我任何新帽也剪掉原裝夾繩，換上自己的夾繩吧！

今日老銅世界重新擴充開業，於是同R上去逛吓，見佢地話買滿不同數百蚊有不同禮品送，而且還有8倍積分送，所以R都掃咗D戰利品，埋單有件DAIWA快乾防曬衫送畀我哋，嗰件衫款係之前Daiwa Tester岡田建治成日穿那款，計番都值幾舊水吧！世界今次真的益街坊了。

今日打風前去解毒，去到D佗地話昨天有人中細鱗同鱲魚，但今天完全兩個世界，我同R加埋先得條石狗！真係唔 係 你魚唔上你鈎。百無聊賴之下就同R拍張fashion照啦，R呢件橙色背心是現時野外時裝最IN的衣服，就連Daiwa最新的pier39時裝系列都有同類設計，另外我多年前買落的阿伯野外多袋背心也一樣興返了，但我今日冇同R一起穿吧！最後臨走畀我影到日落後的鐳射光斑！完滿結束走人去鋸扒！

今日大流3人去解毒，但釣況不好，密口時間只得一粒鐘，我同家姐有魚中，而R嚴格來講都叫龜咗！