亞洲釣魚人 | Asia Angler

今日好好彩，去荃灣街市見到有40蚊斤冰鮮蝦，即刻買返2斤回家製毒先啦！

下午有空去佐敦買秤鉈鉛，行晒咁多間釣具店，發覺魚濃社最抵買，我買咗啲10號秤鉈鉛，廿蚊有6粒，可惜得番兩包，唯有買住咁多先！

今日半死流去解毒，魚訊不多，黃金時段都有D魚中吓，到了十二㸃後又冇晒料到，既然唔使龜就不要磨爛蓆了，走人去食飯吧！

今日再去釣老泥，不過唔係咁開口，只得十零條，特别有條冇尾畀大家睇吓吧！

今日目標魚都係老泥，上午釣到半路落大雨，上身穿了老Gor防水衫，但褲就唔係，所以都係避吓鋒頭先，停咗雨玩多個零鐘，又夠煲一大煲好容嘅泥鯭粥了。走人去食午飯吧！

以前用超市雪藏蝦製釣餌，同現在用冰鮮蝦製釣餌，效果完全兩回事！除了後者得食之外，畀魚盜餌唔中鈎的機會都細咗。雖然近排難買到D四十零蚊斤的冰鮮蝦，但去多幾次總會遇見吧！今日就在深水涉街市買到1斤，回家醃製好，鍾意幾時突擊大魚也可以吧！

R小姐介紹個新位畀我，想我陪佢去解毒，於是就同佢去釣個黃昏水，去到一海老泥，但我今次目標魚不是佢哋，我用了自製蝦仁玩咗個零鐘，黃金時間一到，立即中條目標魚，黑沙鱲是也，之後再冇好野出現了，天都黑齊，同R去食晚飯醫肚吧！

今日有空去逛吓佐敦，在漁家見到件Sunline短袖UV快乾戰衣，原價7,300日元，現賣HK$290！折算返平過6折，見有我尺碼，立即掃返件啦。 另外在SeaHunter見到個ECOODA夾魚器，Shimano同款賣HK$8,90蚊，ECOODA只賣HK$2X蚊，超抵買！梗係買返隻啦！

見到金魚街D綠翡翠非常優質，忍不住買了10條返家養吓先，回家一落缸便搶食，完全唔使適應。勁！

上次紅潮龜咗。今次遠走他方再釣過，看看有冇境，今舖帶了2款釣餌，青蟲及街市死蝦，果然一飛落去便有魚訊，但食法超精囗，捕咗十口八口抽竿也不中鈎，之後青蟲用晒，發覺咁樣唔多掂，於是用死蝦剪到一粒粒，再轉千又0.5號鈎，果然一口一粒餌，精口都要 死 ，掂晒！剛好接近中午時份，大流之中魚的超活躍期剛到了，唔使問當然不用龜吧。玩夠回市區醫肚了！

今日去到釣點見到水色不對，已心知不妙，紅潮是也。釣咗幾粒鐘得隻蟹，走人去食飯！

今個星期熱到三十幾度，早排買的DAIWA手袖及防曬面巾開始有用了！上次已經曬到塊面成個口罩印，有排都唔退吧！

(教學影片)如何觀看CASIO釣魚錶未來日子的魚類活躍情況！由於趕住打字幕同日出片，有D錯别字出現，請多多包涵！

今日在Sea Hunter見到件Sunline快乾短袖衫，摸上手質料唔錯，價錢又抵買，最緊要我同R要嗰隻色嘅size都有貨，梗係要掃返一人一件啦！

今日目標魚是老泥，興幸没找錯目標，好好玩的又過了一個上午，玩夠走人去食Tea！