亞洲釣魚人 | Asia Angler

農曆新年就到，買件禮物給自己賀年先！見到我用緊嘅action cam牌子出咗個又平又勁的Model，佢支援4K60FPS，還有是Touch Screen，更加勁是比GoPro的防震更厲害，人哋通常有5軸防震已經好勁，但佢竟然有6軸防震！呢個我真係第一次聽到，而且部cam有D小方便，就是裸機本身有腳架螺絲窿，唔使加外殼。但它的file size比較大，我set 1080/60FPS去試機拍野，128GB SD Card顯示只拍到5個零鐘頭，比起舊嗰部拍少好多！另外入SD Card時再拿返出來時唔識彈返出來，要用手甲推返出來，有D麻煩！現在用緊尿袋直插部CAM錄爆張CARD測試吓部機有咩問題，如果冇事就可以下次帶去解毒用了。

今次輪到R有魚中，我就龜來了！今日是玩死流水漲，初時我玩全游動，但魚訊欠佳，後來轉打沉底，發覺D魚埋來啄兩吓便收口，精口得很。而R由頭到尾都是使用沉底誘釣方法，又畀佢中番幾條魚解毒，重畀佢中到條佢嘅沙鯭紀錄魚。好野！

上午同R臨時偷釣兩三粒鐘，頭大半粒鐘有咬口，但之後收晒口，只中得幾條魚仔！但今日成海手板老泥，如果有準備釣佢都應該爆箱，可惜不是我地目標魚，今次就放佢哋一馬啦，下次再會。

今日Full Gear出磯，撞正大鱗盃比賽，好多磯位冇得揀，只好找個冇人去的磯位碰吓運氣，上到磯位例牌要開兩份誘餌，遲咗好多才開始釣。今日天氣唔錯，流水亦好，但小魚勁多，石刹泥鯭毛不上水面，全在水底化餌。好彩我也中番條腳板烏絲斑做安慰獎，叫做唔使龜！希望下次找返個好位中返幾條好魚解吓磯釣毒吧！

龜咗幾鑊，今次終於破龜中番條牛屎，玩浮波唔食餌，轉打沉底就嚟料，本來還有條過斤大魚中鈎，但我用咗細鈎，最後甩鈎走魚！之後再換大鈎已無補於事，既然條魚唔屬於我就莫强求吧！同R走去食tea鬆一鬆好過。

到了冬天釣魚，最難搞是吹大東北風，雖然可找避風位，但有時筍位排口在釣緊先起風或轉風，在未有危險的情況下，有時都要頂硬上釣埋先講！今次我又找來我的收藏文章給大家溫故知新。

今年1月1日同上年一樣釣況差勁，又係一樣吹大東風，成個上午得魚仔2、3條。雖然明知咁嘅天 氣 係冇乜魚，但每年第一日都習慣去釣個開年魚，對我來說已成了習俗吧！