亞洲釣魚人 | Asia Angler

  今日是2020年最後一日，回望呢一年我最愛嘅鱲魚中得不多，由於我打粉的比例大約釣10次才打1次粉，以一個自然釣法嘅釣魚人來說算係有交代吧！希望來年2021年海洋生態好一㸃，自己也努力一㸃，中多一點又大又靚嘅目標魚，拍多一㸃直擊中魚嘅Video給大家看看，滿足吓自己釣魚及拍攝的興趣就Very Good了！最後祝大家來年2021年身體健康，笑口常開！

 

  今朝大流釣魚，可能要放咗工先去，所以遲咗去打粉解毒，去到行流行咗2粒鐘就停咗，一㸃魚訊也沒有，行流時中了幾條石狗及大雞泡！未來得切引其他目標魚已經停晒流，頭尾玩咗5個幾鐘，粉都打晒，不磨爛蓆了，走人6㸃前食tea回家吧！

 

  今早釣場吹大北風，好彩釣位背風，易釣好多，之後晏D便收風，又有陽光，十分舒服。是日死流魚訊不多，但都有D沙鑽玩吓，大家姐更釣多過十條油鱲仔，全放！

 

  昨天釣完魚再 去 佐敦世界走一轉，同R每人買咗支冰箱丫义裝落去新的DAIWA 冰箱，呢隻丫义用落非常好用同方便，最啱日常快速步兵之用！

  是日大流，但比上次靜很多，只有一口魚訊像樣，可惜食唔正勾。之後不停入石，以為有斑或石狗，最後原來是隻蟹！而R中金色林哥，超靚。

  近排試用釣研及宮之浦高自重短浮標，初步效果唔錯，敏感度高，拋投距離及抗風良好，認視性高，亦可以快速轉釣組浮力，而且收藏也方便，相信我會多D用此類浮標。

 

  昨天上午去解毒，一出地鐵便下毛毛雨，心諗不是咁黑仔呀！好彩去到釣㸃出返太陽。雖然呢日是大流，但係魚訊希少，我打龜了，R就中到4條魚仔玩吓，是日陽光幾猛，我又放咗工趕住出門口，唔記得搽防曬，搞到曬咗個口罩印出來，樣衰到爆，真係要學R咁美白一吓先得！

  今日去佐敦買給自己一份生日禮物，呢個DAIWA冰箱斷貨幾次，一返貨即賣晒，今日終於買到了，還要是最靚仔嘅白色，呢隻Model咁好賣都是正常，因為實在超值，三佰零蚊8.5L，又送手柄又送咩帶，重送埋食物盒同埋4隻腳，而且尺寸重新設計過，放樽裝野飲可棟企擺，慳位好多！雖然保冷度沒有真空咁强，但玩步兵大半日卓卓有餘吧。跟手梗係貼番D靚貼紙整靚佢啦！

  呢隻DUEL磯釣絲係我用過咁多隻絲之中性價比最高嘅，佢係比Suspend浮多些少，但都是停留在水中央，而我最like用佢嘅白色和橙色，最正係用耐咗Ｄ舊絲仍然出絲好少彈弓絲出來，操控好好多啊！

  今日放假去解毒遇着東北季候風，唯有轉場避風頭啦，風就避到喇，但連魚也避開我，全日零魚訊，悶到嘔，好彩最近買咗部Mini JBL Go3 藍牙喇叭，聽吓歌都冇咁悶，玩到3點半不磨爛蓆了，走人去食tea算了！

  今朝又唔瞓覺直踩去試新釣㸃，原本釣防波堤，但太大風，尋遍各處只好轉灘釣，由於水退魚訊只得大半個鐘可釣，快快脆脆開竿釣了，初時都是中魚仔，所以由3號勾轉用了0.8鱲勾，但世事往往玩野，一勾了蟲再投出，落水下沉魚絲即拉直，中大野吧，經驗知到係斑來的，魚竿彎盡磅頂出絲，一於上實磅頂，快攪免佢入石，收到大半由放灘頭淺水處有礁石，魚絲角度太低之下過石斷母線，白白失去了唯一的機會，只好說句粗口發洩一吓吧。之後水退晒D魚收晒囗，收野走人去食tea吧！

  今朝又放工直踩去Hea釣，明明今日大流，但流水冇乜㸃郁，釣況欠佳！全日得2條老連！

 

  今晚放假，今朝又放工直踩同家姐及R去解毒，不過流水麻麻，得十條八條過手癮，反而驚喜在於釣到成set新束束嘅竿攪上來，陀地阿伯話呢set野係昨天有人飛竿落海嗰套野，畀我中到注定係給我了！雖然唔係咩貴野，但性能也不錯吧！而且縮埋很短，偷釣一流！

  今朝落荃灣老帆補返D勾，行過街市見到有28蚊斤小紅蝦，呢D size醃蝦仁一勾一隻，玩浮游磯釣及投釣都合用，於是買返2斤回家製毒！

  今朝放咗工直踩去磯釣，R中了細鱗新郵票，我就沒咁好彩了，中了條大斑上到半水kick到癈絲lock在水中央！最終斷絲收場，飲恨至極！玩到下午6時天已黑晒，走人去食晚飯。

 

  今朝返完夜班，來緊晚間放假，所以直踩陪R去解毒，雖然掛了風球，但仍然天氣晴朗，可說是天公造美。今次釣況也算可以，銀咪size不錯，但非常精口，要用沉底誘釣方法才上勾，不過拉力唔錯，有D手感！玩到黃昏魚餌化晒，執野走人去食飯了！

  一早同R去咗灣仔老聯買勾，今次再買番上次中巨物嘅法國勾，而且size再大D，遲吓放假去造世界！