亞洲釣魚人 | Asia Angler

今日初次玩紀州釣法，新手即係新手，好多手法也不熟習，尤其是溝粉搓波呢part，搞到我差D龜都係呢part！唔係搓唔成波就係落水即甩勾，已經成海老泥及其他不知名的魚毛，如果搓到個波落水唔係即刻甩勾，我諗都重有機會中條似樣D嘅魚，今次只中釘公、哨牙妹及老泥！各位玩紀州釣法嘅師兄，請問我搓波嗰part出咗咩錯，係溝水問題定係手勢問題，或者其他問題呢？請賜教。

今晚又畀我找到一本十幾廿年前的紀州釣教學非賣品，是由丸九同魚訊網樂出的，由山本太郎教受，真係天助我也，要好好閱讀一吓先得！

玩咗好耐浮游磯釣及打沉底的我，近排對紀州釣產生興趣，雖然有紀州釣師"豪哥"教路，但好多細節不能下下都追問他，都要靠自己摸索吧！好彩我是個古代出道的釣魚人，喜歡收藏釣魚教科書，在家找到本筍野，書內詳細講解了釣黑鯛的不同釣法，而紀州釣法當然有大篇幅說明啦，以前冇玩呢款釣法，所以冇留意內裡文章太多，現在要細心閱讀了。

去咗Sea Hunter買紀州釣浮標，老闆見我又有新玩法，私人送多2支標激勵吓我，希望遲D新玩法能中番條似樣D嘅魚，唔好辜負他一番心意啦！

今日同R行佐敦釣具店，見到Tackle Berry 有D貼紙好靚，於是我同R掃了一張鱲魚和一張黑毛。這是我見過咁多款貼紙牌子之中最靚嘅一隻！其實之前已經買過一張貼冰箱，但當時沒有鱲魚和黑毛，只買了一張章雄貼紙，但已經超靚，今次見到有新款貨到，梗係咪走雞啦！

今次好開心R小姐話預祝我生日，請我去魚排釣魚解毒，今次照舊玩青蟲打沉底，魚訊時有時冇，但拉勻仍算OK，叫做有D魚玩吓咁啦，今次R又中條芝麻斑仔，真係她的斑運一直都未停過，犀利！至於我都有D黃釘、沙鑽、連咪及火㸃玩吓吧。最後多謝R整了一餐豐富午餐給我享用。感謝！

今次解毒找個新地方試釣，可惜釣況麻麻，水底生態環境偏向差一㸃，只有老泥玩晒，玩咗個幾鐘我先中唯一一條石獅。之後同R轉地方再解毒，雖然魚訊不多，但都叫做有魚啦，除了些雜魚外，R又中芝麻斑，今年她的斑運真係好到無倫！今次帶得走嘅魚穫數量較少，但叫做唔使龜吧！最後多謝R煲咗D介菜鮮魚湯畀我享用，味道又香又濃，好飲得很，感謝R！

是日偷釣幾粒鐘，狂中老虎，我又走了2口大魚！注定我今日冇魚運行！R小姐也只中幾口老連帶回家滾湯！好過冇啦！

今朝一早去解毒，是日釣退流水，黃金時間不多，近排海底淤泥多咗，釣況飄忽，今次我打龜了！而R小姐勇奪2個鱲魚大獎，之後水退咗大半，咁就走人同佢去食午餐吧！

昨天去咗解毒，叫做有得過吓手癮啦，魚訊都幾密，只係衰在成群雞泡搞搞震，証明我附近冇鱲魚揾食！