亞洲釣魚人 | Asia Angler

今日在佐敦世界又執到筍野，是DAIWA冬季GORE-TEX套裝，我最like佢條褲係有吊帶，店員話我來得合時，男裝"老哥"吊帶套裝得番一套M碼，應該啱我着，叫我試吓身，我試完真係啱身噃，正！証明我這一年來做運動減肥係有用的。而R又畀佢找到套女裝，佢試完又係啱身。最吸引係套衫正價賣5萬3千幾日元，但現在3折發售，於是最後2套畀我地掃埋！好多人話世界專賣貴野，但其實得閒行多D，周不時都有筍野執到。

昨天在家發現原來一帆D電子會員証印錯字，這個是一個大錯誤，大部分釣友都知一帆有2個網址，分別是  www.fishingtackle.com.hk  及最近新增的  www.yf-fishing.com  ，但他們的電子會員証聯絡電郵結尾竟是@ fishingtackle.com ，没有加.hk，而click入  www.fishingtackle.com 這個網址是去了外國一個釣具website拍賣緊，而呢個website又唔係一帆開，即係呢個電郵地址係寄唔到信。真係損己利人。得閒真係要同一帆幾兄弟講聲！

走咗去"老帆"買返D Owner鈎，發覺畀人掃咗好多貨，號數也不齊，好彩我要的號數仍有貨，立即掃番幾包做存貨先啦，過咗中秋釣魚解毒的師兄師姐也多了很多吧！

今日掛住拍片同釣魚，沒有影太多相，R中很多大沙鑽，而我只中埋D魚仔，叫做可以過吓手癮吧，特別鳴謝R小姐整咗D麻醬秋葵畀我食，感覺新奇好食。謝謝！

今日同R去西貢魚排解毒，有少少魚仔玩吓啦，但同排有位師叔玩筏仔搓波中2斤青斑，真係唔恨得咁多。特別感謝R整咗D好好食嘅午餐畀我食，謝謝！

上次同龜氣纏身的表弟釣魚，連我同R也險些沾到龜氣，差D龜埋！今次同大家姐去解毒，佢就完全唔同了，連好耐冇中的鱲魚也中了2條，可算是魚運當頭，而我就狂 中 掌 心泥鯭，初時唔係幾想要，但愈中愈多，咁就拿回去用果皮蒸來食咗佢啦。至於R今次都中沙鑽、連咪，不過她冇影相，只係同佢拍咗片吧！玩到中午收野出市區食番個tea便回家去了！

今日中秋節翌日，又去Hea釣3粒鐘，是日魚訊極少，中得幾囗魚，當地居民釣友話我知，我中大魚之後兩日都有人中大魚，但之後嗰水魚走咗，今日靜晒了！

                                 

今日同R去偷釣幾粒鐘，近住大流前2日，水流都有D快，不過也應付到，大部 份 時間都有D魚仔中吓，臨尾1粒鐘畀我中條筍野，雞籠䱽是也。開心到震！而且我部action cam直擊中魚過程，等我剪好片遲吓有得睇。今次多得R心血來潮話同我去偷釣先至中到筍野，真係值得一讚！

今日死流同R去Hea釣，是日熱到爆廠，風都冇滴，好彩帶夠凍飲，今次魚訊不多，但都有幾條魚仔玩吓，也給我機會拍了些少影片，返屋企剪輯好便有得睇，今日特别鳴謝R整咗個蘿蔔牛腩湯給我吃，好好飲又好好食，感謝！

落咗咁耐雨，難得打後幾日放假好天，梗係去解毒啦，今次將會釣死流，諗住普普通通Hea釣一吓吧，但今次會帶埋部action cam去玩吓，看看拍唔拍到D中魚片來睇吓啦。大魚細魚都好，拍到片有得畀我玩吓就開心了！

呢頂DAIWA 白色cap帽靚就幾靚，但就係唔com污糟，早排污糟到個鴨嘴佈滿啡啡黃黃的污積，十分難看，於是用了D洗衣粉及彩漂粉加水浸佢1個鐘，然後過水，吹了一晚風後，D積唔見晒，成頂帽靚仔晒，但可惜洗嘅期間頭頂粒的甩咗出來，呢個是多數cap帽用得耐嘅死穴，因為佢哋粒的多數用膠造，唔太com用吧，好彩嘅係甩咗都唔影響頂帽嘅外觀。我就不理咁多繼續戴！

看見呢集由山本太郎教紀州磯釣，對於我呢個紀州初哥來說又加深了認識吧！

呢個YouTube Channel，名叫 "SHIMANO TV官方影音頻道" ，開咗唔夠一年，重㸃在於片中加有中文字幕，真是感覺到shimano有照顧到我哋中港台的釣友。如果DAIWA YouTube都有中文字幕我便更加高興了！

解決咗部action cam的電池限制後，今後磯釣又多樣記錄模式了，部機及外置電池連埋件老救一起試戴上身，感覺都唔係太阻釣魚，但發覺好彩呢件老救唔係心囗拉鏈的，而是用啪啪扣，可以露出個cam在前面吧！

多年前的9月中，那時天氣比較正常，氣温已是凉爽很多，冇現在這麼熱，記得當時吹6級風，手持支中通竿作釣也沒太多優勢，而且老泥化餌嚴重，南極蝦餌完全只有餵魚，最後釣到彈盡糧絕，我就用囗中的香囗膠作魚餌，結果非常情況用非常手段是有效的，浮波火速鑽入海裡，我同樣也火速抽竿，成支軟調中通竿彎腰到手柄，初時還以為是大鱲魚，牠不停鑽進暗礁過石，我梗係死人都同佢拼過啦，最後畀我摙贏咗，上水一看，原來是條30cm的大泥鯭，總算在咁惡劣情況之下，臨尾中番係紀錄魚吧！希望今年天氣快D凉爽啦，等我可以出磯造世界吖嘛。哈哈！

今日走去老帆入番D我嘅至愛魚鈎，凡係正經地釣魚的時候，此鈎都是我不二之選。