亞洲釣魚人 | Asia Angler

我這個20年歷史的DAIWA LBCD絞因爛咗手柄冇用好耐，近來在老淘發現有這個古董Parts配，我的戰友又重生了，一於過幾日去夜釣，尋回昔日光輝吧！

今日行旺角海磯舍，見到有隻BlueFish出的工具盒幾正，呢隻盒以前有個大陸牌子出過，價錢超平，我曾買咗一個給R，佢話超好用，但之後再唔見有得賣，今日終於見到BlueFish有岀，價錢百零蚊個，雖然比以前那個貴，但以現在D工具盒比較，其價錢仍然是抵買，所以我同R都買咗一個，晏D我就執拾吓D小物工具到新盒，一於All in one！

今日同家姐、表弟及R去解毒，全日冇咩料到，但每人都有D魚仔中吓，叫做唔使龜吧！

今日下午同R去hea釣幾粒鐘，每人用1兩蟲，釣晒就算，是次玩水退，魚訊不多，但都有D魚中吓，唔使龜！

昨天筏釣特登冇用筏絞，轉了用直絞，因為我要玩磅頂，玩過之後我已愛上筏竿配直絞，出絲同收絲速度快，中大魚又唔使用人手放break，可專心同條大魚玩野，啱晒我嘅style，但上次用的直絞size大了些，所以今日出佐敦世界買咗隻細D嘅直絞去配支筏竿，期待下次筏釣更加得心應手吧！

今日同R去筏釣，有如入咗海底國際幼稚園！

今朝約咗三家姐及R一早搭早船去釣魚，另外大家姐遲一班船先到，我地去到立即開竿，趕住食到嗰轉流水，我是第一個中魚，是條沙鱲，跟住又中，之後狂中八爪魚，又中老虎，化咗我好多魚餌，不久R都中返D大連米，三家姐跟住中魚。而來釣魚嘅人越來越多，但流 水開始過去，沒太多魚訊，這時大家姐才到，她還帶埋小兒子來，只是服侍他已用了很多時間，到她釣魚時已沒有水流了，釣了一段時間，到收竿時才中條尾指油立。算係好過冇魚中吧！時機已過，齊齊收野返市區吃飯吧！

本來今日唔好天取消去釣魚，但又被千人台騙了一鑊，立即同R擸架生去釣過，去到後一個人都冇，釣位任揀，是日魚訊不多，我首先中魚，之後再中，而R一直未有魚，我就放低支竿過去同R爹吓影吓相，但我每次咁做都好旺她的魚運，一做呢個動作就有魚中，R立即中條合格黑沙鱲。成朝龜氣盡消！玩咗3粒鐘後見天色不對便走人返市區食飯！一返到去立即下雨了，時間啱啱好，總括今日都算解毒成功吧！下週如好天再釣過。

個幾月前穿咗條GAMAKATSU防水釣魚褲去釣魚，下着雨釣魚時其防水性能也不錯，但就係褲腳短咗D，於是今日放盡咗個褲腳多1寸，雖然不是很多，但已經足夠及好看很多了。

今晚同R去咗行老銅世界，看看他們的特價假餌，但睇唔啱，之後行過入咗MINISO買咗個10000mah嘅尿袋，用來供電畀我部山狗action cam來拍釣魚片，以後唔使未中魚先冇電了。