亞洲釣魚人 | Asia Angler

難得放假，今日同R來個輕鬆Hea釣，朝早一齊食個早餐，慢步去搭車去釣㸃，R首先練習用假餌竿飛假餌，今次練習當然未有魚中啦，而我就拿支銀狼0号玩半遊動，但冇打粉，第一投已發覺飛機流得很勁，唯有唔投咁出玩一竿水內啦，入咗幾次石，便知有石狗，於是set短釣組深度令浮波反應清晰D，之後就中條大石狗。到了中午水流漲盡流速減慢，D沙鯭就出來了，立即中返條過吓癮。而R練習完飛假餌後，又轉返打沉底，立即又有返D魚中吓，由於今次Hea釣每人只帶1兩蟲去玩，好快便釣晒了。跟手收野返出去食Tea吧！

今早同R及表弟去解毒，3個人3種釣法，R打沉底，表弟半遊動，而我就玩全遊動，我用Daiwa 1號飛竜，B浮波，2主1.75子，釣餌用青蟲，結果R同表弟龜晒，而我就有D魚中吓，龜咗咁耐，終於輪到我中魚了！

今日見到Ho哥，向他討教紀州釣法，學咗好多野，希望遲吓可以練習多D。

磯釣鱲魚大師-大知昭、磯釣黑毛高手-平和卓也、筏釣大師-山本太郎。

近排研究假餌岸釣，今日當然要找大野先生學吓野啦！

今日同R落荃灣老帆買假餌，行過咁多間釣具舖，老帆D假餌最啱買，上中底層的假餌齊備，所以我同R都入咗幾款遲D去玩吓。

今年香港國際釣具展又來了，每年我都會去攞記念品，希望某家展商D禮品會有D新創意啦，唔好年年都係嗰款野啦！