亞洲釣魚人 | Asia Angler

呢部Sony DSC-HX90V 24mm-720mm 30倍變焦DC機，用到現在差不多4年了，仍然操作正常，而跟機送的兩粒原裝電亦未有老化現像，真係com用，而我最like呢部相機係有(ZEISS)蔡司嘅(T*)鏡，我要强調係蔡司未必靚鏡，係要有蔡司嘅(T*)鏡先至係好野，我用呢部相機冇set柔膚效果的時候，影像sharp到冇野講，D毛孔、黑頭及鼻毛，完全走唔甩現晒出來，所以如果影其他野是幾咁正呢！但有樣野曾經令我對他扣分，就是它的外殼同一個位爆了2次， 真係有㸃不完美 。但最近得知表妹早些年也買了一部同我一樣的，佢從來也冇爆機殼，因此我唯有說自己不好彩吧。現在對Sony呢部DC的性價比仍然保持很高分呢！

今日一早又同R去解毒，諗住趕及水漲嗰個流，不過今次我狂中油立仔，雖然人哋話好食，但我都係對牠沒有興趣，全部放生。而R又畀佢中番條黑沙鱲，又給她威威了！釣到中午轉流，魚影都冇條，於是收埋D釣具後即場享用R煲畀我飲的首烏杞子煲雞，多謝R！

今日再去金魚街買魚缸燈及加多幾條鳳凰魚，見到牠們都落水後非常自在，咁就放心晒，開埋個燈簡直冇得彈。

今日想為自己間房搞D生氣，所以去咗金魚街平平地買咗個9寸水晶魚缸及濾水器，再揀咗2條小鳳凰返家，初步魚兒生猛没問題，成缸魚十分靚仔，過多一晚冇事便OK晒了！之後會再買多個小型LED燈做照明，咁就good晒！而暖管等下個冬天先算吧。

今日解毒同R玩打粉，但係發覺一個現像，就係夏天未到，已經成海魚仔，打幾多粉落海都係被牠們吸晒或化晒，的餌完全遠近都落唔到底，玩咗成日我只中條梳籮，基本上我同R都打龜吧！

今晚去海磯舍行一轉，見到L碼嘅大知昭00浮波有貨，但只得3粒，我立即掃埋佢，真係L碼成日冇貨，有買要趁手了。

今朝同R及表弟去hea釣半天，但一早就落住雨粉粉，搞到件褸都濕晒，好彩玩咗一粒鐘左右便停雨，今次我同表弟都龜咗，但R就獨起兩條黑沙鱲，叫做一洗上次打龜的龜氣吧！

今日去世界見到D即開即用嘅丸九釣餌，佢話適合鱲魚同黑毛用的，而且唔使放入雪櫃，用唔晒可留返下次繼續用，我最喜歡試新野，就買盒玩吓啦。叧外又見到個好精緻嘅大口鱸魚筆座，我同R一人買一個，呢款最後兩個畀我哋掃埋了。

今日同R及我兩位家姐去釣賀年魚，大家姐識識哋釣，另外三家姐可以話是生手一名，今次拿了上次同R用剩那幾兩蟲去釣，呢次都預咗難釣，初時頭一粒鐘全部人冇料到，之後大家姐先中一條連咪，諗住大家姐咁難中都有魚中，已經非常好，㸃知完全唔識釣嘅三家姐，全冇理會支魚竿去了影相，竟然被條魚拉跌支竿，之後拿返起支竿就吹雞幫手，兩個家姐就搞掂咗起咗條魚上來，而且是大大哋嘅絲鱲來，之後我也中返條連咪，而R只中了幾條老虎，總括來講今日釣況咁差，也算是人人有魚中，叫做都玩得開心吧！希望第時釣況好Ｄ再釣過啦！

今日去hea釣半天，今次輪到我有魚中，R就龜咗，是日魚訊不多，不過除了魚之外也有八爪魚，起初中條八爪魚時好似勾石，魚竿及絲梗晒，諗住上實磅頂拉斷絲吧了，㸃知一拉又鬆咗，攪佢返來又拖住野，上到水面原來是罐頭，好重地拉埋來想解勾，㸃知罐內原來有隻大八爪魚，同佢周旋咗好耐終於搞到佢出來了，一於帶佢返去煲湯吧！