狗年第一狗！20180218
狗年第一釣，果然應晒節，全部都係狗！今早同R及表弟釣返轉賀年魚，我同R每人兩半蟲，表弟一個獨釣三兩，初初R先有魚訊，但中唔到唔知咩魚，之後冇咗那種魚訊，石狗就出動了，我同R不停同群石狗搏鬥，有入石有斷絲又有起魚，唔使兩三個鐘D魚餌便釣晒，叫做R同我都有個開運魚，年年有魚！可惜我表弟就慘慘豬，一條魚都中唔到，條蟲由開釣到收竿都未換過，應真唔老嚟！之後佢同我講明天再一個人再作戰，一定要中返條魚開年先得，否則誓不罷休，咁我就恭祝佢好運啦！最後多謝R特登整了個霸王薑葱雞畀我食，真係食過返㝷味呀。
