人生第一副變色黑超20170928
昨晚行旺角海磯舍，試到有副Daiwa黑超幾fit我面形，而且鏡片好清，最重要佢有個變色調光功能，呢樣野我幾like，因此我便買了人生第一副變色黑超。
文章
R小姐中32cm良型黑沙20170924
今日天文台一號風球但話有太陽所以走去釣魚，點知一早去到竿都未開就打石湖，好彩經過上次暴雨濕透身後，買咗件GORE-TEX來着，而且還帶埋把大傘，總算頂得住呢轉石湖，停雨後仍然好大風，我同表弟先釣頭一竿，R小姐慢吞吞先跟住釣，點知佢遲來先中魚，第一投第一口餌就中條32cm良型黑沙，真係運氣來時擋也擋不住！之後我都唔執輸，細少少都有條鱲魚中吓，又有大連米和其他魚，雖然天公不造美，但都玩得開心吧！
買番幾粒松三郎浮波20170922
又同表弟逛佐敦，去到漁 濃 社見到Ｄ松三郎浮波號數齊咗好多，諗咗一段時間决定買番幾粒，因為咁耐以來都好少見到返Ｄ平版松田稔嘅浮波，而且遲吓又秋冬磯到了，都想玩吓Ｄ花神吧！
34度釣魚20170917
今日成34度，都係同R小姐找個方便的海邊釣個上午算了。今日釣魚志在過吓手癮，不志在魚穫，但好彩都有幾條魚過吓手癮，每人兩半蟲玩咗三四粒鐘，玩完去食Lunch，輕鬆又一day！
豪雨前釣番Ｄ好野20170910
成個月冇釣魚，今日終於可以有得解毒了，立即連同R小姐與表弟釣番鑊先，今次諗住帶件防水風衣去著，如果有Ｄ突然奇來的小雨都可以頂到，點知釣到12點零鐘變天，一大場豪雨打落來，重要落成個鐘，我件防水衣都頂唔順入晒水，搞到由面濕到落底，最後唯有收野走人，好彩一早都釣番Ｄ好野解咗毒先，如果唔係返屋企真的毒發身亡都似！