亞洲釣魚人 | Asia Angler

見旺角海磯舍在fb上話返咗好多冰箱，今日又去行吓，見到D shimano冰箱賣得不是好平，但其中有隻DAIWA SU800X細冰箱吸引到我嘅目光，因為我正想找個又輕便又夠勁的冰箱，呢隻DAIWA冰箱就有兩面真空，是他們6-8L之中最頂級的，而且呢隻model好多間舖都唔見有，現在有貨又啱心水，於是就同R小姐一人掃一隻，以家吓呢D天氣，一年比一年熱，D冰箱真係要個勁D先頂得順！

天文台又話週日熱到爆錶，所以冇買蟲去釣魚，但R小姐上星期用剩咗D蟲，佢話要週六下午釣埋佢，於是我今次就唔釣魚只做漁僮服侍R，但當R拿D蟲去釣時，已經死咗大半，不過都要釣埋可用那些，玩咗兩個零鐘，都有幾條魚仔給她過吓手癮，好彩這個時間有樹陰遮吓，如果唔係這天氣都幾悪頂！

平時行佐敦世界多數見親佢都係賣貴野，一件普通衫都幾百蚊件，但有時你又會見佢有D平靚正野賣，真係吹佢唔漲，今次同R小姐行街就見到佢賣啲DAIWA T-Shirt只是160蚊件，真的好少見佢有1字頭的衫賣，而且唔係斷碼貨，有多隻色多隻碼揀，既然咁抵，我就買番件啦，R小姐重買咗兩件着添，至鍾意佢個DAIWA標誌唔係印落去，而係車花上去的，畀人感覺多了兩分誠意。

今日釣黃昏水，龜來了！