亞洲釣魚人 | Asia Angler

今日端午三人去老地方釣個龍舟日水，這裏冇魚咗好多個月了，今次都係碰吓運氣，好彩應吓節都有Ｄ魚呔吓，是次Ｄ魚嘅力量返晒來，魚仔細細拉力强橫，真係過足手癮，走人時都有十零條三鬚及連米拿返屋企食吓。

上次R中了兩條腳板絲鱲，今次初三再釣，水流好急，15g鉛都推走，不過都有Ｄ沙鱲仔及連米釣吓，兩個人三兩蟲，3粒鐘就化晒，之後收野去食飯。

落雨都同R小姐去呔魚，諗住都係hea釣吧，但R又咁好運中了兩條腳板絲鱲，現在六㸃還釣緊，看看剩番兩條虫還有冇得中!不過已經夠一餐餸了。

夜晚同表弟行佐敦釣具舖，在魚濃社見到件Sunline防曬快乾衫，初時見佢黑色在夏天可能好吸熱，但老板娘畀我著上身試，感覺又十分通爽，而且我平時穿XL碼，呢件日本3L碼我竟然啱著，照照鏡又幾好睇，最重要佢正價賣5000日元，港幣標價$360，再有8折，計落二百幾蚊又真係減咗價，見其他款式牌子最平都五六舊或以上，一於就拍板買件着吓啦！

今日同R小姐搭車未去到釣場就已經落大雨，成個大嶼山都黑晒天，心諗呢鑊實冇得玩！於是坐回頭車返東涌行商場，行晒諗住搭車走，點知出到來藍天白雲，真係估佢唔到。立即再去釣過，但就轉了釣點，今次R同我都用新竿，但呢個地方都係十出九龜，我支竿全無中過魚，R支鱲竿還好，有Ｄ石狗中吓，算係開咗光吧！