最後在完場中條肥石蚌20170430
今日再去漁排筏釣，總共12人，去到後分3批，但成個早上都冇料到，不過見有Ｄ人偷雞打粉中了兩三斤牛屎，而其他人都有時中吓烏頭、絲鱲，但成場大部份人都打龜，最後在完場前半粒鐘，給我來一口大野，試咗三口餌，第四口一抽即中，力度非常勁，玩咗分零兩分鐘，上水一看，原來是條肥石蚌，唔理野生定係走籠魚，畀我破龜就開心了！
文章
R小姐送了一支磯竿給我20170429
今日R小姐給我一個驚喜，就係送了一支磯竿給我，她知我喜歡試新野，特別買了一支Blue Fish牌子的韓國磯竿畀我試，呢支型號嘅竿竿性偏軟，但竿腰有力，造工高級，全斜guide，絞座與竿一體化。期待擇個好日去試吓支竿嘅威力！
R小姐中條斑20170423
今日二人去筏釣，自己帶咗Ｄ練餌去釣老泥，在西貢市買多廿蚊死蝦，一早上到漁排R小姐就玩蝦餌，我就用練餌，玩咗唔夠一粒鐘，R就中條斑，這是她的新郵票，開心到瘋了。我就老泥就中唔到，但就係咁中鱲花，望一望人哋，中親都是手板老泥，原來他們是用南極蝦釣的，才知這裡的老泥最愛呢種餌，釣咗幾粒鐘鱲花釣夠了，下午回西貢市Tea一Tea先，輕輕鬆鬆又一day！