R學浮游磯釣後多咗中大魚20161120
今日同R去新釣㸃，呢次是玩浮波，但投到水中發覺水流很快，直情是飛機流，Ｒ向我埋怨好難釣，我只好找過另一個位給她嘗試，叫她耐心去解決眼前問題，當釣咗個幾鐘後，突然聽到R大叫，原來中魚了，看見魚竿大彎，我立即拿着撈箕跑過去，火速替她撈起條魚，原來是一條頭鱸，Size都幾唔錯，看見她的神情便知開心又滿足，先前向我的埋怨一掃而空了。立即叫她舉起條魚拍照留念，跟着放入冰箱！
文章
中到條25cm大連米20160828
放親假都落雨，今次終於可以釣番次解解毒，今日魚訊不多，因為多人玩浮潛及挖野，搞到Ｄ魚唔埋岸，只是中了幾條絲鱲仔，好彩最後一口餌都中到條25cm大連米，算係攞番個彩啦！
勇戰大牛屎20160506
今日賣甩R小姐 約 表弟去釣魚，趁住水未退晒，拿拿淋俾心機釣番兩手， 釣咗約一粒鐘，有大反應了，魚訊直接了當，我從魚竿感應知到大魚非常肚餓，把魚餌直吸進口裡，一㸃試餌也沒有，真的你食得爽時我也釣得爽！唯一怕的是我只用了1號鱲勾，勾不正魚咀吧。條魚發覺中伏後立即發爛，猛烈游走，又不停向下衝，我當時只用了1.25子線，不敢太强硬與牠硬拼，放了幾手絲後再收牠上水，呢條大舊衰，畀我玩咗5、6野就收皮了，但由於牠也有返D份量，在水中唔郁都有很大阻力，搞咗分幾鐘先入到網，呢條 大舊衰 可能是上次R走甩嗰條， 今晚放上網前 好彩我都算醒目，預先約定R小姐週日同佢再釣過，如果唔係今晚見到我出post話中魚又冇佢份，實嬲嬲豬都似！