牙點大作戰20150728
近排去親釣魚都有條食用裝的魚玩吓，今次都唔例外，又俾我中到兩條牙點，可惜其中一條中咗後攞到埋身竟然甩鈎跌咗入石然後彈返落海！都係因為懶唔用撈箕之過，都唔知係條魚好彩定係我黑仔。
文章
上天醒我一條黃腳20150711
天氣熱得要命，於是轉釣黃昏水，作釣時水流太快了，浮波釣組完全釣唔到定點位，於是轉打沉底，飛出遠處然後慢慢收返埋嚟，收到埋一竿水，突然强烈拉竿，一㸃試餌的感覺都冇，食得咁爽初時還以為是牙㸃之類，玩咗一兩吓，發覺原來是鱲魚嚟，上水後一看是條黃腳來添，由於我釣咁耐魚都是同黃腳冇乜緣份，上天竟然醒我一條，真係開心死！
火㸃回歸20150705
7月頭去釣黃昏魚，下午4點零鐘去到，仍然熱到冇朋友，真係唔想釣魚住，於是搞吓呢樣，搞吓嗰樣，me me more more搞到5點幾冇咁熱才開始釣魚，今次買咗一兩蟲都釣唔晒，玩咗3個幾鐘到天黑，都釣到4條或魚及一條火㸃，都算係有啲收穫啦！