亞洲釣魚人 | Asia Angler

今日手㾗忍唔住走咗去磯釣，雖然天氣還未冷，但有釣未為龜，釣咗先講。今次早上先吹北風，後轉東風，大湧，魚仔超多，化餌驚人， 表弟最先中條 雞魚 ，R小姐還在學習釣魚中，未見中大魚，但都有中魚，我在中場大湧下竿，魚餌在魚仔圍攻下突圍落到釣棚，補多幾吓粉引開魚仔群注意力，心諗整條大D嘅魚咬吓啦，口餌唔頂得幾耐架咋，再補粉期間突然飛波拉竿，支打餌羹放都放唔切，立即起手抽竿頂位先，由於水底佈滿暗礁，我一手都唔放，就算可能斷絲都要硬頂到底，否則落底也過石斷線，最後好彩條絲頂得順，中番條黄衣做獎品，總算好彩唔使龜， 全日魚穫有大石狗、石剎、沙鱲、雞魚及黃衣。

今日去北水諗住開開心心釣吓魚，㸃知一出艇就吹咗頂帽落海！由於今日超曬，我又冇帽帶，釣到11㸃零就開始唔舒服，不能集中精神釣魚了，於是行去吹吓風影吓相，跟住便做吓魚僮，幫R小姐打粉，果然在千萬魚毛大軍中釣到幾條魚，不至打龜，而我就愈來愈唔舒服，想作嘔，似是有少少中暑！休息了也感覺難以支持，見大家都打完粉，便提意早走了，所以全日只有我釣唔到魚！之後看天文台原來今日竟有成34度，真係熱死又曬死！

近排去親釣魚都有條食用裝的魚玩吓，今次都唔例外，又俾我中到兩條牙點，可惜其中一條中咗後攞到埋身竟然甩鈎跌咗入石然後彈返落海！都係因為懶唔用撈箕之過，都唔知係條魚好彩定係我黑仔。

天氣熱得要命，於是轉釣黃昏水，作釣時水流太快了，浮波釣組完全釣唔到定點位，於是轉打沉底，飛出遠處然後慢慢收返埋嚟，收到埋一竿水，突然强烈拉竿，一㸃試餌的感覺都冇，食得咁爽初時還以為是牙㸃之類，玩咗一兩吓，發覺原來是鱲魚嚟，上水後一看是條黃腳來添，由於我釣咁耐魚都是同黃腳冇乜緣份，上天竟然醒我一條，真係開心死！

7月頭去釣黃昏魚，下午4點零鐘去到，仍然熱到冇朋友，真係唔想釣魚住，於是搞吓呢樣，搞吓嗰樣，me me more more搞到5點幾冇咁熱才開始釣魚，今次買咗一兩蟲都釣唔晒，玩咗3個幾鐘到天黑，都釣到4條或魚及一條火㸃，都算係有啲收穫啦！